BMT-nin Müstəqil Beynəlxalq Təhqiqat Komissiyası yeni hesabatında Qəzza zolağında İsrail hakimiyyətinin hərəkətlərinin soyqırım anlayışına uyğun gəldiyi qənaətinə gəlib.
"Komissiya İsrailin Qəzzada soyqırım törətməkdə məsuliyyət daşıdığını hesab edir. Qəzzada fələstinliləri soyqırım Konvensiyasında göstərilən meyarlara cavab verən hərəkətlərlə məhv etmək açıq-aşkar niyyəti var", - deyə komissiyanın sədri Navi Pillay bildirib.
İsrail Xarici İşlər Nazirliyi hesabatı təhrif və yalan adlandıraraq qəti şəkildə rədd etdiyini bildirib.
