Ermənistan Respublikasının təhlükəsizliyinin sütunlarından biri legitimlik olmalıdır. Məhz bu strategiya sülhü mümkün edib. Bu strategiyanın qəbulu olmadan sülh sadəcə mümkün olmazdı, əgər sülh dedikdə institusional, davamlı sülh nəzərdə tutulursa, çünki atəş açmamaq sülh deyil. Bunu Ermənistanın baş naziri Nikol Paşinyan “Hərtərəfli Təhlükəsizlik və Dayanıqlıq” beynəlxalq konfransı zamanı deyib.
“Bizim elə bir dövrümüz olub ki, demək olar ki, atəş açılmayıb, lakin belə bir il olmayıb ki, sərhəddə qurbanlarımızın, yaralananlarımızın olmasın, elə bir ilimiz olmayıb.
İndi bizim legitimlik strategiyamız kifayət qədər qiymətləndirilməyən sənədə görə daha da möhkəmlənib və həmin sənəd Ermənistan və Azərbaycan delimitasiya komissiyalarının birgə fəaliyyətinin tənzimlənməsidir və hər iki ölkənin müvafiq prosedurları ilə imzalanıb ratifikasiya olunub.
“Sənəd nə üçün lazımınca qiymətləndirilmir, çünki bu, Ermənistan və Azərbaycanın ilk ikitərəfli beynəlxalq sənədidir, hər iki ölkədə ratifikasiya olunub və hüquqi qüvvəyə malikdir”, - deyə o, Alma-Ata Bəyannaməsini iki ölkənin sərhədlərinin müəyyən edilməsinin əsas prinsipi kimi təsbit etdiyini xatırladıb.
"Avqustun 8-də sülh sazişinin paraflanması və Vaşinqton Sülh Bəyannaməsi ilə təhlükəsizliklə bağlı legitimlik strategiyamız daha da gücləndi" deyən Paşinyan, əlavə edib: "Bütün bunlar ayrı-ayrılıqda həyata keçirilən kortəbii hərəkətlər deyil. Bunlar 2022-ci ilin sentyabrında qəbul etdiyimiz strategiyaların nəticələridir".
