Hazırkı güclü və qarşılıqlı etibarlı Ermənistan-İran tərəfdaşlığı zamanın sınağından şərəflə çıxmış və müəyyən mənada iki xalqımızın keçdiyi tarixi yolu da bir-birinə bağlayan Ermənistan və İran xalqlarının möhkəm dostluğuna əsaslanır. Bunu Ermənistan Respublikasının baş naziri Nikol Paşinyan İran prezidenti Məsud Pezeşkianla birgə bəyanatı zamanı deyib.
Ermənistan Respublikasının baş nazirinin sözlərinə görə, hər iki tərəf razılaşıb ki, iki ölkə arasında münasibətləri strateji tərəfdaşlıq səviyyəsinə qaldırmaq üçün işlərin görülməsi vaxtı çatıb.
"Prezident Pezeşkian ilə hökumətimizin əsas prioritetlərindən olan regional sülh və iqtisadi infrastrukturun bloklanması məsələlərini ətraflı müzakirə etdik. Ermənistan Respublikasının bu məsələ ilə bağlı ideyaları dost İranın nümayəndələri tərəfindən dəfələrlə yüksək səviyyədə rəğbətlə qarşılanan "Sülhün kəsişməsi” layihəsində ümumiləşdirilmişdir.
Xüsusi vurğulamaq istərdim ki, Ermənistan Respublikası və bütün erməni xalqı İranın Ermənistan Respublikasının ərazi bütövlüyü, suverenliyi və sərhədlərinin toxunulmazlığı ilə bağlı aydın mövqeyini yüksək qiymətləndirir. Ermənistan və İran üçün beynəlxalq sərhədlərin toxunulmazlığı və dövlətlərimiz arasında fasiləsiz əlaqə həyati əhəmiyyət kəsb edir.
Yuxarıda deyilənlərin kontekstində mən avqustun 8-də imzalanmış birgə bəyannamənin təfərrüatlarını, habelə Ermənistan Respublikası ilə Azərbaycan Respublikası arasında sülhün və dövlətlərarası münasibətlərin yaradılması haqqında paraflanmış sazişi təqdim etdim. Bu proses bütün regionun iqtisadi inkişafı üçün böyük perspektivlər açmağa yönəlib.
Mən bu razılaşmalara verdiyi obyektiv qiymətə görə prezident Pezeşkiana minnətdaram”.
