ABŞ Dövlət Departamentinin sözçüsü Temi Bryus ABŞ dövlət katibi Marko Rubionun Ermənistanla Azərbaycan arasında sülh sazişinin tezliklə imzalanacağına ümid etdikləri barədə bəyanatına toxunuaraq qeyd edib: “Biz mətbuatda gedən xəbərləri izləyirik və əlavə məlumatımız yoxdur”.
Jurnalist Ermənistan və Azərbaycan liderlərinin Əbu-Dabidəki görüşü ilə Rubionun bəyanatı arasında hər hansı əlaqənin olub-olmaması və Vaşinqtonun hazırda Ermənistan və Azərbaycan arasında sülh müqaviləsinin imzalanması ilə bağlı dəqiq planı və ya təklifinin olub-olmaması ilə bağlı sualına o qeyd edib:
"Sülh prosesinə gəlincə, Birləşmiş Ştatlar Cənubi Qafqazda sabitlik və sülh üçün səyləri dəstəkləyir. Biz də mətbuatda yuxarıda qeyd olunan bəyanatları izləyirik və əlavə məlumatımız yoxdur. Siz də bilirsiniz ki, Tramp administrasiyasının və dövlət katibi Rubionun yanaşması artıq onu göstərir, sonuncunun Nazirlər Kabinetinin iclasında verdiyi bəyanatda qeyd edilir ki, administrasiya sülh üçün çalışır.
Etməli olduqlarını edəcəklər, getməli olduqları yerə gedəcəklər. Bu fəallıq zəifləmir, məhz ona görə ki, Amerikanı yenidən böyük etmək istəyinin əsasında dayanır və bu, əlbəttə ki, bizi əhatə edən dünyanın vəziyyətini yaxşılaşdırır”.
