İyunun 16-17-də Ermənistan Respublikası Müdafiə Nazirliyinin baş katibi Hamlet Batikyanın rəhbərlik etdiyi ER Müdafiə Nazirliyinin nümayəndə heyəti Vyanada hərbi təyinatlı məhsullara nəzarət və siyahıların yenilənməsi prosesi ilə bağlı Wassenaar Razılaşmasının genişləndirilmiş texniki brifinqində iştirak edib. Bu barədə Ermənistan Müdafiə Nazirliyi məlumat yayıb.
Ermənistan nümayəndə heyəti ilə Vassenaar Razılaşmasına sədrlik edən Yaponiyanın səfiri Kayfu Atsuşi və Vassenaar Razılaşması Katibliyinin rəhbəri səfir Georgi Molnar ilə ayrıca görüşü olub. Wassenaar Razılaşması çərçivəsində əməkdaşlıqla bağlı məsələlər və onun genişləndirilməsi imkanları müzakirə edilib.
Nümayəndə heyəti ABŞ və Fransalı həmkarları ilə də ayrıca görüşlər keçirib. Hərbi məhsullara nəzarət sahəsində əməkdaşlıqla bağlı məsələlər müzakirə olunub.
