Ermənistanla Azərbaycan arasında sülh və dövlətlərarası münasibətlərin qurulması haqqında sazişin mətni nəhayət ki, razılaşdırılıb və imzalanmağa hazırdır. Biz Azərbaycanla hərtərəfli sülh yarada biləcəyimizi gözləyirik. Bunu Ermənistan prezidenti Vahaqn Xaçaturyan Gürcüstan prezidenti Mixail Kavelaşvili ilə birgə mətbuat konfransı zamanı deyib.
“Ermənistan Gürcüstanın Cənubi Qafqazda sabitliyin və təhlükəsizliyin möhkəmləndirilməsi, eləcə də Ermənistan və Azərbaycan arasında sülh prosesini dəstəkləmək səylərini yüksək qiymətləndirir”.
"Biz Ermənistanın əməkdaşlıq üçün ikitərəfli və üçtərəfli platformalar yaratmaq təşəbbüslərini alqışlayırıq və ümumi iqtisadi layihələrin həyata keçirilməsində əməkdaşlıq üçün yolların tapılmasında Gürcüstanın rolunu qiymətləndiririk", - Xaçaturyan bildirib.
Ermənistan prezidenti həmçinin əmin olduğunu bildirib ki, Ermənistan və Gürcüstan dost xalqların və bütün regionun rifahı naminə tərəfdaşlıq münasibətlərini bundan sonra da dərinləşdirəcək və möhkəmləndirəcək.
