Ermənistan Respublikasının baş nazirinin mətbuat katibi Nazeli Bağdasaryan “Armenpress”in sualını cavablandırarkən, aprelin 23-də Daşnaktsutyunun təşkil etdiyi yürüş zamanı Türkiyə və Azərbaycan bayraqlarının yandırılmasına dair baş nazir Nikol Paşinyanın münasibətini çatdırıb.
- Xanım Bağdasaryan, Daşnaktsutyunun təşkil etdiyi yürüşün iştirakçılarının növbəti dəfə Türkiyə və Azərbaycan bayraqlarını yandırmasına baş nazir Paşinyan necə baxır?
- Baş nazir Paşinyan bu praktikanı pisləyir, bunu məsuliyyətsiz və qəbuledilməz hesab edir. Beynəlxalq səviyyədə tanınmış dövlətin, xüsusən də qonşu dövlətlərin bayraqlarının yandırılmasına dövlət başçısı tərəfindən başqa cür yanaşmaq olmaz. Bu, təxribatçı və təhrikedici bir təcrübədir.
Eyni zamanda, baş nazir Paşinyan Azərbaycan SQ-nin Syunik rayonunun Xoznavar kəndində yaşayış evini atəşə tutmasını, Azərbaycan SQ tərəfindən atəşkəs rejiminin pozulmasını pisləyir və Azərbaycan hakimiyyətini bu hadisələri araşdırmağa və aydınlıq gətirməyə çağırır.
