Martın 6-da xarici işlər nazirinin müavini Paruyr Hovhannisyan Sloveniya Respublikasının Ermənistan Respublikasındakı səfiri Mateya Prevolşeki etimadnaməsinin surətinin təqdim olunması münasibətilə qəbul edib. Bu barədə ER XİN məlumat yayıb.
Xarici işlər nazirinin müavini səfiri təyinatı münasibətilə təbrik edərək, onun fəaliyyəti dövründə iki ölkə arasında əlaqələrin daha da inkişaf etdirilməsi üçün maksimum səy göstərəcəyinə əminliyini ifadə edib.
Görüş zamanı həmsöhbətlər Ermənistan-Sloveniya siyasi dialoqunun dərinləşdirilməsi, eləcə də beynəlxalq təşkilatlarda əməkdaşlıq məsələlərini müzakirə ediblər. Ermənistanın Aİ ilə tərəfdaşlığı çərçivəsində həyata keçirilən addımlara toxunulub.
Xarici işlər nazirinin müavini Paruyr Hovhannisyan həmsöhbətinə ER hökuməti tərəfindən hazırlanmış “Sülhün kəsişməsi” layihəsini və Ermənistanla Azərbaycan arasında münasibətlərin normallaşması prosesində baş verən son hadisələri təqdim edib. Ermənistanın suveren ərazisinə yeni təcavüzlərin qarşısının alınması kontekstində Aİ-nin müşahidə missiyasının yerləşdirilməsinin vacibliyi vurğulanıb.
