Ermənistan Respublikasının Ətraf Mühit Nazirliyi Ermənistan Respublikasının Yerasx kəndində tikilən metallurgiya zavodunun sənayesinin Transsərhəd kontekstində ətraf mühitə təsirin qiymətləndirilməsi haqqında Konvensiya (Espo) çərçivəsində “mənfi transsərhəd təsirlərə dair səmərəli məsləhətləşmələri təmin etmək üçün kifayət qədər məlumat mübadiləsi” ilə bağlı Azərbaycanın Ermənistana ünvanlanmış məktubunu alıb.
Bu barədə Ətraf Mühit Nazirliyi məlumat yayıb.
“Ermənistan hesab etmir ki, Espo Konvensiyasının 3-cü maddəsinin 1-ci bəndinə əsasən, Azərbaycanı xəbərdar etməyə və ya həmin Konvensiyanın 3-cü maddəsinin 7-ci bəndinə əsasən planlaşdırılan fəaliyyətlərlə bağlı Azərbaycanla məlumat mübadiləsi aparmağa borcludur”,-deyə bəyanatda qeyd olunur ki, 3-cü (1) maddə təsirə məruz qalan Tərəf ola biləcəyinə inandığı Tərəfə nəzərdə tutulan fəaliyyət barədə məlumat verməsini tələb edir; lakn bu maddə şərtlərindən heç biri mövcud deyil.
Bundan başqa, nəzərdə tutulan fəaliyyət kiçik həcmli qara metal qırıntılarının emalıdır, hansı ki yalnız elektrik enerjisi ilə işləyən induksiya sobasından istifadə etməklə aparılır və bu, Konvensiyanın I Əlavəsində sadalanan fəaliyyət növü deyil: “Azərbaycan özü də nəzərdə tutulan fəaliyyətin Əlavə I-in hansı bəndinə aid olduğunu dəqiqləşdirməyib”.
Ermənistan Respublikasının Ətraf Mühit Nazirliyi açıq şəkildə bildirir ki, zavod bütün ekoloji standartlara və tələblərə uyğun tikilir. “Zavodun sahibi “GTB Steel” MMC də bununla bağlı təminat verib və qeyd olunub ki, ətraf mühitə bütün mümkün mənfi təsirləri aradan qaldırmaq üçün müasir texnologiyalar tətbiq olunacaq.
Ona görə də Azərbaycanın Espo Konvensiyasına uyğun olaraq zavodun “tikinti işlərinin dərhal dayandırılması” tələbinin heç bir əsası yoxdur.
Yuxarıda deyilənlərə əsaslanaraq, Ermənistan Azərbaycandan tələb edir ki, tikinti aparılan istiqamətə atəş açmaqla Ermənistanın suveren ərazisində qanunsuz güc tətbiqini dayandırsın. Azərbaycanın əməlləri nəticəsində iki günahsız əməkdaş ağır xəsarət alıb, o cümlədən xeyli maddi itkiyə səbəb olub. Azərbaycanın davranışı Espo Konvensiyasının 15-ci maddəsində təsbit olunmuş öhdəliyi kobud şəkildə pozur, yəni “Tərəflər arasında mübahisə yaranarsa, Tərəflər onu danışıqlar yolu ilə və ya hər hansı digər vasitələrlə həll etməyə səy göstərəcəklər”.
Ermənistan beynəlxalq hüquq çərçivəsində öz bütün hüquqlarını qoruyur", - bəyanatda deyilir.