Artsax Təhlükəsizlik Şurası bildirir ki, Artsax Təhlükəsizlik Şurasının 28 fevral 2023-cü il tarixli sessiyasında qəbul edilmiş qərara uyğun olaraq, işçi qrupu yaradılıb, onun məqsədi Azərbaycan tərəfi ilə təcili humanitar məsələləri müzakirə etməkdir.
Qrupun rəhbəri Artsax Respublikasının Təhlükəsizlik Şurasının katibi Samvel Şahramanyandır.
Məlumatda deyilir ki, Rusiya Federasiyasının Artsax Respublikasında yerləşən sülhməramlı qoşunlarının komandanlığının vasitəçiliyi ilə əldə edilmiş razılaşmaya əsasən, 1 mart 2023-cü il tarixində saat 11:00-da sülhməramlı qoşunların komandiri general-mayor Andrey Volkovun iştirakı ilə Artsax və Azərbaycan tərəflərinin görüşü keçirilib.
Görüşün gündəliyinə aşağıdakı məsələlər daxil edilib:
1. Artsax Respublikasına təbii qazın fasiləsiz verilməsinin təmin edilməsi və qazın sonrakı kəsilməsinin istisna edilməsi.
2. Artsax Respublikasının elektrik təchizatının bərpası məqsədilə Ermənistan Respublikasından Artsaxa daxil olan yeganə yüksək gərginlikli xəttin Azərbaycan silahlı qüvvələrinin nəzarətində olan hissəsinin yoxlanılması və “Artsaxenerqo” QSC-nin mütəxəssisləri tərəfindən bərpa işlərinin aparılması.
3. Azərbaycanlı peşəkar qrup tərəfindən Kaşen və Drmbon mədənləri ərazisində birdəfəlik vizual başışın təşkili.
4. Stepanakert-Qoris avtomobil yolunun tam açılışı.
Lakin görüşdən qısa müddət sonra Azərbaycan qrupunun rəhbəri ölkəsinin informasiya platformalarına müsahibələr verib, orada faktiki məzmundan və prosesdən yayınaraq dezinformasiyalar yayıb, xüsusən də görüşdə “reinteqrasiya məsələləri”nin müzakirə edildiyini bəyan edib.
Həmçinin qeyd olunub ki, tərəflərin rəsmi nümayəndələrinin növbəti görüşünün Rusiya sülhməramlı qoşunlarının iştirakı olmadan “Gəncədə və ya Ağdamda baş tuta biləcəyi” ilə bağlı növbəti Azərbaycan dezinformasiyası da həqiqətə uyğun deyil.
