Bu gün Moskvada Rusiyanın xarici işlər naziri Sergey Lavrov və Azərbaycanın xarici işlər naziri Ceyhun Bayramov ikitərəfli danışıqlar aparıb.
Bundan əvvəl Rusiya XİN Yerevanın Azərbaycan və Ermənistan arasında sülh müqaviləsinin hazırlanması məsələsini müzakirə etmək üçün dekabrın 23-nə planlaşdırılan xarici işlər nazirlərinin görüşündə iştirak etməməsindən təəssüfləndiyini bildirib.
“Biz bu tədbirə hazırlaşmışdıq, lakin təəssüf ki, son anda erməni tərəfdaşlarımız Moskvaya gəlməkdən imtina edərək, bunu yerdəki vəziyyətlə izah etdilər”, - deyə Rusiyanın xarici işlər naziri Sergey Lavrov bildirib və əlavə edib ki, sülh müqaviləsinə dair müzakirələr ikitərəfli görüş zamanı davam etdiriləcək.
Azərbaycanın xarici işlər naziri cavabında bildirib ki, Bakı və Moskva hər zaman ikitərəfli görüş keçirmək fürsətindən istifadə edirlər.
