“Beynəlxalq Xristian Həmrəyliyi” təşkilatı digər səkkiz beynəlxalq qeyri-hökumət təşkilatı ilə birlikdə Dağlıq Qarabağda soyqırım təhlükəsi barədə xəbərdarlıq edib.
"BMT Baş Katibinin Soyqırımın Qarşısının Alınması üzrə İdarəsi tərəfindən müəyyən edilmiş zorakılıq cinayətlərinin törədilməsi üçün bütün 14 risk faktoru hazırda mövcuddur", - deyə təşkilatın rəsmi saytında bildirilib.
“Beynəlxalq Xristian Həmrəyliyi” təşkilatının prezidenti Con Eybner qeyd etdi ki, “Azərbaycan diktaturası Dağlıq Qarabağı mühasirəyə almaqla növbəti soyqırım raundunu həyata keçirmək niyyətini açıq şəkildə göstərir. Beynəlxalq ictimaiyyət Dağlıq Qarabağın mülki əhalisinin müdafiəsi üçün kollektiv şəkildə hərəkət etməlidir”.
Onu da qeyd olunur ki, Azərbaycan hökuməti uzun müddətdir ki, rəsmi səviyyədə ermənilərə qarşı nifrət siyasəti aparıb, ermənilərə qarşı törədilmiş vəhşiliklərin cəzasız qalmasına töhfə verib, təkcə Dağlıq Qarabağı deyil, Yerevanı da güc yolu ilə almağa hədələyib.
Təşkilatlar “Soyqırımı cinayətinin qarşısının alınması və cəzalandırılması haqqında Konvensiyaya” qoşulan ölkələrə, o cümlədən ABŞ, Böyük Britaniya və Rusiyaya müraciət edərək, ermənilərə qarşı gözlənilən soyqırımın qarşısının alınması ilə bağlı öhdəliklərini yerinə yetirməyə çağırıblar.
