Artsax Respublikasının Prezidenti Araik Harutyunyanın başçılıq etdiyi nümayəndə heyəti dekabrın 5-də Fransa Respublikasına işgüzar səfərə gəlib.
Nümayəndə heyəti Fransa Respublikası Senatının bütün parlament qruplarının rəhbərləri və Milli Assambleyanın bütün fraksiyalarının nümayəndələri ilə görüşüb.
Görüşdə Azərbaycan-Qarabağ münaqişəsinin həlli, Artsax-Fransa münasibətləri və regional proseslərlə bağlı məsələlər müzakirə olunub. Parlamentlərarası əlaqələrin inkişafına xüsusi diqqət yetirilib.
“Fransa Senatı və Parlamentinin Artsaxla bağlı qəbul etdiyi qətnamələr Artsax və Azərbaycan arasında münaqişənin hərtərəfli və daimi həlli üçün yaxşı əsasdır. Artsax xalqının öz müqəddəratını təyinetmə hüququna hörmət etməsi və bu hüququn həyata keçirilməsinin nəticələrini tanıması münaqişənin həllinin yeganə yoludur, bu da Artsax xalqının hüquqlarının və təhlükəsizliyinin lazımi səviyyədə olmasını təmin edir”,- deyə Arayik Harutyunyan qeyd etdi.
Arstax Respublikasının Prezidenti Fransa parlamentarilərinə Artsaxda müharibədən sonrakı vəziyyəti də təqdim edib. O qeyd edib ki, Artsax Ermənistan və xarici dünya ilə yalnız bir yol, eni 5 km olan Laçın dəhlizi ilə bağlıdır.
“Azərbaycan Artsaxı boğaraq xarici dünya ilə yeganə və son əlaqəni kəsmək istəyir. Biz Laçın dəhlizində Artsaxın Ermənistan və xarici dünya ilə fasiləsiz əlaqəsinin təmin edilməsi üçün əlavə beynəlxalq təminatları istəyirik”,- deyə Prezident vurğuladı.
