RF prezidentinin mətbuat katibi Dmitri Peskov bildirib ki, Kreml Rusiya Federasiyasında ikinci hərbi səfərbərlik dalğasının mümkünlüyünü müzakirə etmir, eyni zamanda, “Rusiya xüsusi hərbi əməliyyatlar keçirərək öz məqsədlərinə çatmaq istəyir və onlara nail olacaq”.
“Kiyevdə hakimiyyətin dəyişdirilməsi xüsusi əməliyyatın məqsədi deyil, rus hərbi əsirləri güllələyənləri isə Rusiya özü axtaracaq, onlar tapılmalı və cəzalandırılmalıdır”, - deyə Peskov bildirib.
RF prezidentinin qarşıdakı görüşləri barədə danışan Kremlin sözçüsü onu da qeyd edib ki, Vladimir Putin noyabrın 23-də KTMT sammiti çərçivəsində Ermənistanın baş naziri Paşinyanla ayrıca görüş keçirməyi planlaşdırır, həmçinin Bişkekdə keçiriləcək Aİİ sammitində iştirak etməyi planlaşdırır.
