Ermənistan Respublikasının Baş naziri Nikol Paşinyan Hökumət iclası zamanı qeyd etdi ki, 9 noyabr 2020-ci il tarixli üçtərəfli bəyanatın 9-cu bəndi regionda nəqliyyat və iqtisadi əlaqələrin açılması haqqındadır. Azərbaycanın qərb rayonları ilə Naxçıvan Muxtar Respublikası arasında nəqliyyat əlaqəsi sadəcə bu kontekstdə qeyd olunur.
Paşinyan qeyd etdi ki, bu, regionda nəqliyyat və iqtisadi əlaqələrin blokadadan çıxarılması prosesinin bir hissəsidir.
“11 yanvar 2021-ci il tarixli üçtərəfli bəyanat da bunu açıq şəkildə göstərir. Qeyd etmək lazımdır ki, 9 noyabr 2020-ci il tarixli bəyanatın 9-cu bəndinin pozulması ilə bağlı Ermənistana qarşı irəli sürülən ittihamlar tamamilə əsassızdır.
Bu bəndlə Ermənistanın yalnız Azərbaycanın qərb rayonları ilə Naxçıvan Muxtar Respublikası arasında nəqliyyat əlaqəsini təmin etmək öhdəliyi var və 9 noyabr tarixli bəyanatda və ya hər hansı digər bəyanatda konkret marşrut qeyd olunmur.
Ermənistan Respublikası belə əlaqənin təmin etməyə həmişə hazır olub və hazırdır və bu məqsədlə Ermənistan-Azərbaycan sərhədində nəzarət-buraxılış məntəqələrinin yaradılması haqqında Ermənistan hökumətinin qərar layihəsi dövriyyəyə buraxılıb. Həmin qərarın qəbulu nəticəsində Azərbaycan Ermənistanın ərazisi ilə Naxçıvan Muxtar Respublikası ilə əlaqə yarada bilər. Bu qərar yalnız bir səbəbdən qəbul olunmur, çünki Azərbaycan bunu istəmir”, - Paşinyan vurğuladı.
Bu o deməkdir ki, Ermənistan öz öhdəliyini tam yerinə yetirir və fürsətdən yararlanmaq istəməyən tərəf məhz Azərbaycandır.
“Azərbaycanın bu imtina tamamilə anlaşılmazdır. Əgər Azərbaycan həqiqətən də sülh istəyirsə və bəyan etdiyi kimi sülhə hazırdırsa, gəlin o keçid məntəqələrini açaq”,- o deyib.
Yeni yolların tikintisinə toxunan baş nazir qeyd edib ki, 9 noyabr 2020-ci il tarixli üçtərəfli bəyanata əsasən Ermənistan Respublikasının belə bir öhdəliyi yoxdur.
