Bugünkü mətbuat konfransı zamanı jurnalistlər Ermənistanın xarici işlər naziri Ararat Mirzoyana Aİ-nin mülki missiyasının yerləşdirilməsi, xüsusən də Ermənistanın gözləntilərinin nə olduğu barədə sual veriblər.
“Bizim gözləntilərimiz ondan ibarətdir ki, Aİ missiyasının müəyyən faktaraşdırıcı hissəsi olacaq və bu faktlar sübut edəcək ki, ER-nin suveren ərazisinə təcavüzün olması və Azərbaycan qoşunlarının ER-nin beynəlxalq səviyyədə tanınmış ərazisinə təcavüzünün olması barədə Ermənistanın iddiaları, reallığa uyğundur”- deyə Mirzoyan bildirib.
O ümid bildirib ki, Aİ-nin bu missiyası öz rolunu oynayacaq.
Mirzoyan qeyd edib ki, ATƏT müşahidəçilərinin ER ərazisindən Ermənistan-Azərbaycan sərhədinə göndərilməsi məsələsi də müzakirə olunur. Nazirin sözlərinə görə, yaxın vaxtlarda bununla bağlı aydınlıq olacaq.
KTMT müşahidəçilərinə gəlincə, Mirzoyan qeyd edib.
“Üzvü olduğumuz KTMT-yə müraciət etmişik. Həmin təşkilatda ilkin faktaraşdırıcı missiyanın göndərilməsi barədə qərar qəbul edilib. Rəsmilər gəldi, onların qeydləri əsasında hesabat hazırladılar, bütün üzv dövlətlərə təqdim olundu. Hesabata əsasən, katiblik qərar layihəsi yaymışdır, biz şifahi müzakirələr vasitəsilə anlamağa çalışmışıq ki, KTMT Şurasının iclası nə vaxt keçirilə bilər ki, ölkə rəhbərləri həmin missiyanın göndərilməsi məsələsini müzakirə etsin. İndi bu mərhələdəyik. Qərar yoxdur, müzakirələr var”.
O, vəziyyətə siyasi qiymət verilməsinin çox vacib olduğunu vurğulayıb.
