İyunun 7-9-da ER parlamentinin Ermənistan-Çexiya Dostluq Qrupunun sədri Artur Hovhannisyanın başçılıq etdiyi nümayəndə heyəti Çexiyada işgüzar səfərdə olub. Bu barədə ER Praqadakı səfirliyi məlumat yayıb.
Ermənistanın nümayəndə heyəti Nümayəndələr Palatasının Xarici Əlaqələr Komitəsinin sədri Marek Jenişek, Ətraf Mühit Komitəsinin sədri Yana Krutakova və Senatın Aİ məsələləri üzrə komitəsinin sədr müavini Yirji Çunek ilə görüşüb.
Tərəflər ikitərəfli gündəliyin geniş spektrini, parlamentlərarası əməkdaşlığın daha da dərinləşdirilməsi perspektivlərini, o cümlədən Ermənistanın islahatlar gündəliyini müzakirə ediblər.
Ermənistan nümayəndə heyəti həmkarlarına Ermənistanda və onun sərhədlərində baş verən proseslər, erməni xalqının üzləşdiyi humanitar çağırışlar barədə məlumat verib və Ermənistanın Dağlıq Qarabağ münaqişəsinin sülh yolu ilə həlli ilə bağlı mövqeyini bir daha təsdiqləyib.
Tərəflər Ermənistan-Avropa İttifaqı əməkdaşlığının gündəliyində duran məsələlərə də toxunublar.
