Ermənistanın Böyük Britaniyadakı səfirliyindən verilən məlumata görə, aprelin 20-də Ermənistan Respublikasının Böyük Britaniyadakı fövqəladə və səlahiyyətli səfiri Varujan Nersesyan Böyük Britaniya parlamentində olub, İcmalar Palatasının sədri Ser Lindsi Hoyl ilə görüşüb.
Həmsöhbətlər Ermənistan-Britaniya parlamentlərarası əlaqələrə toxunub, ikitərəfli əməkdaşlığın möhkəmlənməsinin və genişlənməsinin əhəmiyyətini vurğulayıblar.
Görüş zamanı ER səfiri Ermənistanın xarici siyasətinin cari prioritetlərindən də danışıb. İcmalar Palatasının sədri isə bundan sonra da Ermənistanda demokratik islahatları dəstəkləməyə hazır olduğunu bildirib.
Böyük Britaniya parlamentinin binası qarşısında Ermənistan Respublikasının bayrağı qaldırılıb.
