Oktyabrın 18-də Ermənistan Respublikasının xarici işlər naziri Ararat Mirzoyan Avropa Şurası Nazirlər Komitəsinin Demokratiya üzrə Məruzəçilər Qrupunun rəhbəri, AŞ-da İsveçin daimi nümayəndəsi, səfiri Marten Ehnberg və başçılıq etdiyi nümayəndə heyəti ilə görüşdü.
Nümayəndə heyətinə AŞ-da Fransa, Rusiya, İsveçrə, Finlandiya, Estoniya, Andorra, İslandiyanın səfirləri və AŞ Katibliyinin nümayəndələri də daxil idi.
Nazir Mirzoyan və səfir Ehnberg, Ermənistanla Avropa Şurası arasında qurulan çoxşaxəli əməkdaşlıqdan məmnun olduqlarını bildirdi və səmərəli əməkdaşlığın daha da inkişaf edəcəyinə əmin olduqlarını qeyd etdilər.
Azərbaycanın Artsaxa qarşı insan hüquqlarının kobud şəkildə pozulması ilə törətdiyi təcavüzə və nəticədə yaranmış vəziyyətə toxunan Mirzoyan, müharibənin ilk günlərindən etibarən AŞ-nin müxtəlif orqanlarının hərbi əməliyyatlara son qoymağa çağırışlarını yüksək qiymətləndirdi.
Artsaxdakı humanitar böhranın aradan qaldırılması kontekstində Ararat Mirzoyan beynəlxalq qurumların, o cümlədən AŞ səlahiyyətli orqanlarının maneəsiz cəlb edilməsinin vacibliyini qeyd etdi
XİN başçısı vurğuladı ki, Azərbaycan indiyədək erməni hərbi əsirləri və mülki şəxsləri girovluqda saxlayır, bu isə beynəlxalq humanitar hüququn və üçtərəfli bəyanatlarla üzərinə götürdüyü öhdəliklərinin kobud pozulmasıdır.
