“Noyabrın 9-dan sonra ən vacib vəzifələrimizdən biri ordumuzun və silahlı qüvvələrimizin modernləşdirilməsi və islahatı olub və olmaqdadır. Onu da vurğulamalıyam ki, bəzi qüvvələr islahat gündəmimizi müharibəyə başlamaq niyyəti kimi təqdim etməyə çalışırlar, bunun reallıqla heç bir əlaqəsi yoxdur, çünki Ermənistan hər bir sülhsevər dövlət kimi silahlı qüvvələrini təcavüz üçün deyil, təcavüzdən qorunmaq üçün hazırlayacaq”- deyə ER Baş naziri Nikol Paşinyan Parlamentdə qeyd edib.
Onun sözlərinə görə, hökumətin bu sahədəki məqsədi davamlı islahatlar həyata keçirməkdir.
“Ermənistanın əraziləri əldə etmək və ya müharibəyə başlamaq niyyəti yoxdur. Strateji baxımdan Ermənistan peşəkar orduya doğru addım atır, səfərbərlik və müddətli hərbi xidmətin strukturu əhəmiyyətli dərəcədə dəyişəcək. Ordunun texnoloji modernləşməsini, avtomatlaşdırılmış idarəetmə sisteminin tətbiqini də vacib hesab edirik"- deyə Nikol Paşinyan vurğulayıb.
Baş nazir hərbi təhsilin keyfiyyətinin əhəmiyyətli dərəcədə yaxşılaşmasından danışıb, qadınların SQ döyüş hissələrinə daha çox cəlb olunduğunu vurğulayıb.
Onun sözlərinə görə, ordunun islahatlarının modernləşdirilməsi prosesində strateji müttəfiqi olan Rusiya ilə əməkdaşlıq vacibdir. Paşinyan məlumat verib ki, Rusiya ilə müəyyən razılaşmalar var.