Rusiya Prezidenti Vladimir Putin və ER Baş naziri vəzifəsini icra edən Nikol Paşinyan arasında keçiriləcək görüş zamanı Dağlıq Qarabağ ətrafındakı vəziyyət müzakirə ediləcək, lakin sənədlərin imzalanması planlaşdırılmır. TACC-a əsasən, bu barədə jurnalistlərə RF Prezidentinin mətbuat katibi Dmitri Peskov bildirib.
Peskov, görüşdə iki ölkə rəhbərlər arasında Ermənistan sərhədində rus sülhməramlıların yerləşdirilməsinə dair müzakirələrə və müvafiq sənədin imzalanmasına dair erməni KİV-də yayılan məlumatlara da toxunub.
“Əlbəttə, Qarabağ, rus hərbçilərin yerləşdirilməsi, və ümumi olaraq ikitərəfli münasibətlərə dair məsələlər müzakirə olunacaq, amma hər hansı sənədin imzalanması nəzərdə tutulmur”,- deyə mətbuat katibi vurğulayıb.
“İşgüzar səfərlə Moskvada olan Ermənistan Baş naziri vəzifəsini icra edən Nikol Paşinya ilə görüş günün ikinci yarısında planlaşdırılır. Prezident və baş nazir görüşü şam yeməyi ətrafında davam edəcəklər”,- deyə Peskov qeyd edib.
