ER Baş naziri səlahiyyətlərini icra edən Nikol Paşinyan Elisey Sarayında Fransa prezidenti Emanuel Makron ilə görüşüb.
Qarşılama mərasimindən sonra iki ölkənin liderləri KİV nümayəndələri üçün çıxış ediblər.
Çıxışında Emanuel Makron qeyd edib: “Salam xanımlar və cənablar, bu gün Parisdə Ermənistanın Baş naziri vəzifəsini icra edən cənab Nikol Paşinyanı qəbul etdiyim üçün çox şadam.
Hörmətli Nikol, demokratiya naminə və korrupsiyaya qarşı mübarizəyə bağlılığınızdan bəri son illərdə çox çalışmışıq. Frankofoniya Zirvəsinə səfərimi və çoxsaylı müzakirələrimizi xüsusilə xatırlayıram. Bu işgüzar səfər Ermənistan üçün çox vacib dövrdə baş verir.
Ermənistan bu gün ciddi təhlükəsizlik böhranı ilə üzləşib. Qarabağdakı hərbi əməliyyatları dayandıran 9 noyabr atəşkəs bəyanatından bəri cənab Paşinyan və mən vəziyyəti qiymətləndirdik və qeyd etdik ki, atəşkəs ümumiyyətlə qorunsa da, görüləsi işlər çoxdur. Və Fransa, əhalinə kömək etməyə hazırdır. İlk növbədə, bütün hərbi əsirlərin və azadlıqda olmayan bütün şəxslərin sərbəst buraxılması da daxil olmaqla bütün əsirlərdən bəhs edirəm.
Dağlıq Qarabağda və ətrafında qorunmalı olan mədəni irsin qorunmasının vacibliyini vurğulamaq istərdim. Və ATƏT-in Minsk Qrupunun həmsədri olaraq, Rusiya, ABŞ ilə birlikdə deeskalasiyaya nail olmaq, tərəflər arasında dialoq qurmaq üçün mümkün olan hər şeyi etmək Fransanın borcudur.
Ermənistanla Azərbaycan arasında son sərhəd hadisələrindən də danışmaq istəyirəm. Artıq dediyim kimi, cənab Paşinyan, bütün demarkasiya və delimitasiya işləri yalnız danışıqlar yolu ilə aparılmalıdır: heç bir halda güc tətbiq edilməməlidir. Azərbaycan qoşunları Ermənistanın suveren ərazisindən çıxarılmalıdır. Tərəfləri başlanğıc mövqelərinə qayıtmağa çağırıram. Dialoq qurmağa kömək etməyə çalışacağıq.
Ermənistanın üzləşdiyi bu çətin vəziyyətdə, Fransa hər zaman olduğu kimi, ilk növbədə humanitar sahədə Ermənistanın yanındadır. Əvvəlcədən, tibb müəssisələrimiz Ermənistanın tibb müəssisələri ilə əməkdaşlıq edib, Ermənistanda buna ehtiyac duyan bir çox xəstəxana seçilib. Azərbaycanda saxlanılan hərbi əsirlərin, onların ailələrinin və itkin düşmüş hərbçilərin axtarışı ilə məşğul olan Beynəlxalq Qırmızı Xaç Komitəsinin işinə də müstəsna dəstək vermişik.
Cənab Paşinyanla iqtisadi əməkdaşlıq barədə də danışdıq, Ermənistanın infrastrukturunu inkişaf etdirməyə kömək üçün və iqlim dəyişikliyi sahəsində öhdəliyimizi davam etdirmək üçün müəyyən sahələrdəki əməkdaşlığa aydınlıq gətirdik. Bu səbəbdən bu gün Baş nazir vəzifəsinin icraedicisini qəbul etməkdən çox məmnunam.
Dəyərli Nikol, biz Ermənistanla həmrəyik və belə qalacağıq. Bu çətin dövrdə Fransa bölgəyə nəhayət sülh gətirməkdə qərarlıdır.
Təşəkkür edirəm və bir daha xoş gəlmişsiniz”.
Nikol Paşinyan çıxışında qeyd edib: "Təşəkkür edirəm, cənab Prezident, sevimli Emanuel.
Əvvəlcə dəvət üçün təşəkkür edirəm. Və bu gün qeyd etdiyiniz kimi müzakirə etmək üçün çox geniş gündəmimiz var. Əvvəlcədən vurğulamaq istərdim ki, Fransa Prezidenti uzun müddətdir Ermənistan Respublikasına səfər planlaşdırır, hansı ki ötən il koronavirus səbəbindən baş vermədi. Ümid edirəm ki, birlikdə koronavirus və digər böhranları dəf edəcəyik. Payızda səbirsizliklə gözləyirəm, sizi Yerevanda gözləyirik, cənab Prezident.
Fransa ilə Ermənistan arasında xüsusi münasibət mövcuddur və bu dövrdə erməni xalqının, Ermənistan Respublikasının hər zaman Fransanın və Prezident Makronun şəxsi dəstəyini hiss etdiyini qeyd etmək çox vacibdir. Vurğulamaq istəyirəm ki, Prezident Makron bölgəmizdəki böhranın ilk günündən bəri həqiqət dilində danışıb, o səs bütün dünyada eşidilib. Bu bizim üçün çox vacibdir. Vurğulamaq istəyirəm ki, Fransa, Prezident Makron, bölgəmizdəki böhran vəziyyətinin aradan qaldırılmasında çox vacib olan bu öhdəliyi davam etdirir.
Vurğulamaq istəyirəm ki, ATƏT-in Minsk qrupunun həmsədri kimi Fransa rolunu vacib sayırıq və həmsədrlik fəaliyyəti Dağlıq Qarabağ münaqişəsi və regional böhranların həllində, uzunmüddətli sülh və sabitlikdə son dərəcə vacibdir. Çox şadam ki, müharibə bitdikdən sonra həmsədrlər artıq üç bəyanat veriblər ki, bu da əslində Dağlıq Qarabağ münaqişəsinin həllinə dair danışıqları qarşılıqlı cəlb etməyə və bərpa etməyə hazır olduqlarını göstərir.
Əlbətdə ki, bu gün bu imkanları da müzakirə edəcəyik. Bu dövrdə göstərdiyi humanitar yardıma görə Fransaya da təşəkkür etmək istəyirəm, lakin Fransanın iqtisadi iştirakının vacibliyini vurğulayırıq. Ermənistanda Fransanın iştirakının bizim üçün çox vacib olduğu bir çox layihə var - infrastruktur, enerji, iqtisadiyyat. Və Prezident Makron da daxil olmaqla Fransa hökumətinin şəxsən bu proqramlarda iştirak etməkdə maraqlı olduğunu qeyd etməkdən şadam.
Fransanın və Prezident Makronun bölgəmizdə, xüsusən də Dağlıq Qarabağda mədəni irsin qorunması üçün şəxsi səylərini çox vacib hesab edirəm.
Əlbətdə ki, Fransanın bütün bu sahələrdə iştirakını yüksək qiymətləndiririk.Ermənistan Respublikası, erməni xalqı bu iştirakı artırmaqda maraqlıdır, xüsusən də bir daha deyirəm, ATət Minsk qrupunun həmsədri statusunda Fransa regional təhlükəsizlik, sülhün və uzum müddətli sabitliyin təmin edilməsində məsuliyyət daşıyır.
Bir daha hörmətli Prezident, sevimli Emanuel, bu cür şəxsi ünsiyyət üçün çox şadam və əminəm ki, bugünkü müzakirələrimiz ölkələrimizin dostluğunun mənafeyinə və bölgəmizin təhlükəsizliyinə və sabitliyinə xidmət edəcəkdir. Bunda Sizin rolunuz həqiqətən çox vacibdir”.
Daha sonra, Nikol Paşinyan və Emanuel Makron danışıqları ayrılıqda davam etdirərək, Ermənistan-Fransa münasibətlərinin gündəliyindəki məsələləri, iqtisadi əməkdaşlığın genişləndirilməsini, Cənubi Qafqazdakı inkişafları, ATƏT-in imkanları çərçivəsində Dağlıq Qarabağ münaqişəsinin həllinə yönəlmiş addımları, Ermənistan-Azərbaycan sərhədindəki vəziyyətin sülh yolu ilə həlli müzakirə ediblər.
