ER Xarici İşlər nazirinin mətbuat katibi Anna Nağdalyan, Azərbaycan silahlı qüvvələrinin Ermənistan Respublikası ərazisinə daxil olmasına toxunaraq jurnalistlərin suallarını cavablandırıb.
Sual:Bir həftədən çoxdur ki, Azərbaycan Silahlı Qüvvələri Ermənistan Respublikasının suveren ərazisinə daxil olub. Xahiş edirəm vəziyyətlə əlaqədar Xarici İşlər Nazirliyinin mövqeyini təqdim edin.
Cavab:Güc tədbiqi və ya güc tədbiqinin təhdidindən istifadə edərək şərt qoyulması beynəlxalq hüququ kobud şəkildə pozur. Ermənistan bu cür təzyiqlərə təslim olmayacaq. Ermənistan "mübahisəli ərazilər" adlanan gündəmin tətbiqini rədd edir. Bu digər bölgələrdə də güc tətbiq edilməsinə haqq qazandırmaq üçün təhlükəli presedent yarada biləcək.
9 noyabr tarixli üçtərəfli bəyanatla, xüsusən də erməni hərbi əsirlərinin və girov statusunda olan mülki şəxslərin vətənə qaytarılması, digər humanitar məsələlər üzrə öhdəliklərini yerinə yetirməməklə Azərbaycan beynəlxalq öhdəliklərin qəsdən pozulduğunu bir daha təsdiqləyir.
Ermənistan Respublikası və Azərbaycan Respublikası arasında demarkasiya, sonra da delimitasiya prosesləri münaqişənin hərtərəfli sülh yolu ilə həlli prosesinin hissəsi olmalıdır və onun çərçivəsində Artsax Respublikası ərazilərinin deokupasiyası və Artsaxın ATƏT-in Minsk Qrupunun himayəsi altında son hüquqi statusunun müəyyənləşdirilməsi ilk olaraq irəli sürülməlidir.
Bu vəziyyətdə, Azərbaycan silahlı qüvvələrinin Ermənistan Respublikasının suveren ərazilərindən dərhal və qeyd-şərtsiz mayın 11-də olan başlanğıc nöqtələrinə geri çəkilməsi, ortaya çıxan məsələlərin siyasi-diplomatik çərçivədə nəzərdən keçirilməsi üçün lazımi şərait yarada bilər.
Sual: Vəziyyətə beynəlxalq cavabı necə qiymətləndirərsiniz?
Cavab: Beynəlxalq hüquq mövqeyindən çıxış edən və Cənubi Qafqazdakı sabitlik və təhlükəsizliklə səmimi qəlbdən maraqlanan beynəlxalq tərəfdaşlarımız, Azərbaycanın təcili və qeyd-şərtsiz olaraq qoşunlarını Ermənistanın suveren ərazisindən çıxarması barədə birmənalı mövqelərini ifadə ediblər.
