Məlum olduğu kimi, ABŞ prezidentinin Milli Təhlükəsizlik məsələləri üzrə müşaviri Ceyk Sallivanın təşəbbüsü ilə ER Baş naziri vəzifəsini icra edən Nikol Paşinyanla telefon danışığı baş tutdu. Tərəflər Ermənistan-Azərbaycan sərhədindəki vəziyyətə toxunublar. Amerika tərəfi Azərbaycan qüvvələrinin Ermənistan sərhədləri daxilindəki hərəkətlərini qəbuledilməz və təxribatlı hesab edib və bildirib ki, bu mövqeyi Azərbaycan rəhbərliyinə təqdim olunacaq və Ermənistan ərazisindən qüvvələrini çıxarmaq tələb olunacaq.
Politoloq Narek Minasyan "Lurer"lə söhbətində Sallivan-Paşinyan telefon danışığının əsas məqamlarına toxundu.
“Bu günə qədər ABŞ-dan üç açıqlama olub. İlk ikisində ziddiyyətli elementlər var idi. Əlbətdə ki, Azərbaycan qoşunlarının Ermənistan Respublikası ərazisindən çıxarılması orada mümkün idi, lakin eyni zamanda qəbuledilməz bir ifadə istifadə edildi, xüsusən də "müəyyən edilməmiş" və ya "mübahisəli ərazilər" ifadəsi istifadə edilib. Bu baxımdan vacibdir ki, erməni tərəfi ilə telefon danışığında ABŞ rəsmisi kifayət qədər düzgün, düzəldilmiş ifadə ilə danışıb. Ən azı telefon danışığı zamanı Sallivan “mübahisəli ərazi” ifadəsini işlətməkdən çəkinib və Azərbaycan qoşunlarının Ermənistanın suveren ərazilərindən çıxarılmasının vacibliyini vurğulayıb. Bu, çox vacib faktdır və heç olmasa göstərir ki, ABŞ-a Azərbaycanın əslində Ermənistanın ərazi bütövlüyünü pozduğunu, Azərbaycan qüvvələrinin getməli olduğunu məlumdur"- politoloq Narek Minasyan qeyd edib.
