ABŞ Konqresmeni Adam Şif “Human Rights Watch” təşkilatının erməni hərbi əsirləri ilə bağlı hesabatına toxundu. Adam Şif “Facebook” səhifəsində yazdı ki, “Human Rights Watch”-un son hesabatı bir daha təsdiqləyir ki, erməni hərbi əsirləri və mülki şəxslər azərbaycanlılar tərəfindən işgəncələrə məruz qalıblar.
“Azərbaycanda hələ də 200 hərbi əsir qanunsuz olaraq saxlanılır, zorakılıq riski var. Erməni hərbi əsirlərə qarşı işgəncələr beynəlxalq hüququ və Cenevrə Konvesniyasını kobudcasına pozur”,- deyə konqresmen yazdı.
Adam Şif erməni hgərbi əsirləri və girovluqda olan mülki şəxsləri azad etməyə çağırıb. Adam Şif ABŞ Dövlət Katibliyini ATƏT Minsk qrupunun prosesini aktivləşdirməyə çağırıb.
Konqresmenin sözlərinə görə, prosesin uzadılması ilə Azərbaycanın silahlı qüvvələri erməni hərbi əsirlərə qarşı dəhşətli işgəncələrini artırır.
“Qəti addımların vaxtı gəldi”,- deyə konqresmen yazdı.
