ABŞ konqresmeni Bred Şerman öz Facebook səhifəsində erməni hərbi əsirlərin məsələsinə toxunaraq yazıb ki, Azərbaycanda saxlanılan erməni hərbi əsirlərin məsələsi haqqında ABŞ Dövlət katibi Antony Blinkenin Avropa və Avrasiya məsələləri üzrə köməkçisi Filip Rikerlə danışıb.
“Azərbaycan bütün erməni hərbi əsirlərini azad etməyərək atəşkəs razılaşmasını pozur. Çox şadam ki, ABŞ Dövlət Departmenti dəfələrlə Bakı ilə müzakirələr apararaq əsirləri azad buraxmağa çağırmışdır. ABŞ hakimiyyətlərinin səyləriylə Bakı BQXK fəaliyyətinə icazə verib”,-deyə amerikalı konqresmen yazıb.
Bred Şerman qeyd edib ki, erməni hərbi əsirlərin azad buraxılması məsələsilə ABŞ Dövlət Departmenti ilə işlərini davam edəcəkdir.
