Financial Times (FT) qəzeti vəziyyətlə tanış mənbələrə istinadən xəbər verir ki, Kanada Avropa Birliyinin Ukrayna üçün 90 milyard avroluq kreditinə qoşulmaq üçün danışıqlar aparır. Qəzet qeyd edib ki, tərəflər oktyabrın sonunda Monrealda keçiriləcək AB-Kanada sammitindən əvvəl Kanadanın töhfəsinin həcmi barədə razılığa gəlmək niyyətindədirlər.
Qəzetin mənbələrinə görə, Kanadanın Baş naziri Mark Karni kredit proqramında iştirak etməklə Avropaya transatlantik əlaqələrin gücləndirilməsinə sadiqliyini nümayiş etdirməyə ümid edir və bu, ölkəsinin ABŞ-dan asılılığını azaltmağa yönəlib.
İndiyə qədər kreditə qoşulan yeganə AB üzvü olmayan ölkə Böyük Britaniyadır.
FT-nin qeyd etdiyi kimi, Ottava artıq Ukraynaya 6,5 milyard Kanada dolları (təxminən 4,7 milyard ABŞ dolları) məbləğində hərbi yardım göstərib və 10 sentyabrda Karni və Ukrayna Prezidenti Volodimir Zelenski müdafiə innovasiyaları sahəsində əməkdaşlığı nəzərdə tutan 100 illik tərəfdaşlıq haqqında bəyannamə imzalayıblar.
