Tacikistan Respublikasının prezidenti Emoməli Rəhmon Nikol Paşinyana Ermənistan Respublikasının baş naziri təyin olunması münasibətilə təbrik mesajı göndərib. Məktubda deyilir:
“Hörmətli Nikol Vovayi,
Ermənistan Respublikasının Baş naziri təyin olunmağınız münasibətilə səmimi təbriklərimizi və ən xoş arzularımızı qəbul edin.
Bu yüksək vəzifəyə yenidən təyin olunmağınız bir daha ictimaiyyətin dost Ermənistanın sosial-iqtisadi tərəqqisinə və beynəlxalq aləmdə nüfuzunun möhkəmləndirilməsinə yönəlmiş siyasi kursunuzu dəstəklədiyini göstərir.
Fürsətdən istifadə edərək, Tacikistan və Ermənistan arasında uzunmüddətli dostluq, qarşılıqlı anlaşma, qarşılıqlı hörmət və etimad ənənələrinə əsaslanan konstruktiv əməkdaşlıq münasibətlərinin hərtərəfli inkişafına daimi marağımızı vurğulamaq istərdim.
Əminəm ki, birgə səylərlə xalqlarımızın fundamental maraqları naminə bu prosesin səmərəli şəkildə irəliləməsinə hər cür töhfə verməyə davam edəcəyik.
Sizə möhkəm cansağlığı və gələcək fəaliyyətinizdə uğurlar, dost Ermənistan xalqına isə sülh, sabitlik və sarsılmaz rifah arzulayıram”.
