Aİ ölkələri on günlük gərgin müzakirələrdən sonra Rusiyaya qarşı 21-ci sanksiya paketi barədə razılığa gəliblər. Avropa Şurasının prezidenti Antonio Kostanın sözlərinə görə, yeni paket enerji, maliyyə xidmətləri, kriptovalyutalar və ticarətə yönəlib.
Avropa Komissiyasının prezidenti Ursula fon der Leyenin sözlərinə görə, siyahıya daha 32 Rusiya bankı əlavə edilib və onlarla əməliyyatlar qadağan olunacaq. Sanksiyalar siyahısına neft ticarət platformaları, kripto şirkətləri də daxildir və hərbi əməliyyatlarda iştirak edən rusiyalıların Aİ-yə girişi qadağan ediləcək. Bundan əlavə, Moskvanın bazar şoklarından faydalanmaması üçün Rusiya neftinin qiymətinin yuxarı həddi bir il müddətinə 44 dollar səviyyəsində dondurulub.
"Ukrayna döyüş meydanındakı uğurlarını inkişaf etdirərkən, sanksiyalarımız Rusiyanın iqtisadi müharibə mövqeyini sarsıdır",- deyə fon der Leyen qeyd edib.
Aİ ölkələri Yunanıstanın etirazları səbəbindən sanksiyalar barədə razılığa gəlməkdə çətinlik çəkirlər. Yunanıstan şirkətləri Avropanın ən böyük ticarət donanmasına nəzarət edir və müharibədən əvvəl Rusiya qazı və neftinin əsas daşıyıcıları olublar. 26 ölkə sonda Rusiyanın mayeləşdirilmiş təbii qazına qarşı sanksiyaları bir il müddətinə təxirə salmaq barədə razılığa gəlib.
