İyulun 2-də Ermənistan Respublikası Təhlükəsizlik Şurasının katibi Armen Qriqoryan Avropa Komissiyası prezidenti Ursula fon der Leyenin diplomatik müşaviri Saymon Mordevi qəbul edib. Bu barədə Təhlükəsizlik Şurasının ofisi məlumat verib.
Həmsöhbətlər Ermənistan-Avropa İttifaqı ikitərəfli münasibətlərinin inkişafını müzakirə edərək, tərəfdaşlıq gündəliyinin prioritetlərinə toxunublar. Xüsusilə, enerji sektorunda və ticarət-iqtisadi əlaqələrin genişləndirilməsi çərçivəsində əməkdaşlığın dərinləşdirilməsinin vacibliyi vurğulanıb.
Görüş zamanı tərəflər regional və beynəlxalq təhlükəsizlik vəziyyəti ilə bağlı da fikir mübadiləsi aparıblar.
