Donald Tramp Putin və Zelenskinin indi məsələlərini özləri həll etməli olduqlarını açıqlayıb.
"Mən onları bu nöqtəyə gətirdim. Ümid edirəm ki, hər şey həll olunacaq", - deyə ABŞ Prezidenti bildirib.
Rusiya Prezidentinin köməkçisi Yuri Uşakov həmçinin Ağ Ev elçiləri Stiv Vitkov və Cared Kuşnerin tezliklə Moskvaya səfər edə biləcəklərini bildirib.
Almaniya kansleri öz növbəsində Avropanın Rusiya ilə təmaslara hazır olduğunu bildirib. Fridrix Merts avropalıların danışıqlar masasında iştirak etməli olduğunu vurğulayıb.
Bu fonda tərəflər qarşılıqlı zərbələr barədə məlumat verməyə davam edirlər. Son saatlarda Leninqrad vilayətinin səmasında 140-dan çox Ukrayna dronu məhv edildiyi barədə məlumatlar var. Sankt-Peterburqun yerli hakimiyyəti vətəndaşları küçələrə çıxmamağa çağırıb.
