İran Xarici İşlər Nazirliyinin sözçüsü bildirib ki, Tehran ABŞ-ın İranın cənubundakı hücumunu, eləcə də Vaşinqtonun Omana qarşı təhdidlərini pisləyir.
İsmail Bəqayi BMT Təhlükəsizlik Şurasının ABŞ-ı son hücumlara görə məsuliyyətə cəlb etməli olduğunu bildirib. O, həmçinin Tehranın özünü müdafiə etmək üçün lazımi tədbirləri görmək əzmini vurğulayıb.
Bəqainin sözlərinə görə, illərdir diplomatik prosesdə vasitəçi kimi çıxış edən, sülh və təhlükəsizlik məsələlərində həmişə konstruktiv və effektiv rol oynayan Omana qarşı təhdid beynəlxalq münasibətlərdə qanun pozuntularının normallaşmasının təhlükəli əlamətidir.
