Ukrayna Rusiyanı radioelektron müharibədən istifadə edərək Ukrayna pilotsuz təyyarələrini qəsdən Baltikyanı ölkələrə yönləndirməkdə ittiham edib. Mayın 19-da Estoniyada yeni pilotsuz uçan aparatlarının insidentindən sonra Kiyev Moskvanın Ukraynanın Rusiya ərazisinə zərbələr endirmək üçün Baltikyanı hava məkanından istifadə etməsi ilə bağlı iddialarını təkzib edib.
"Bir daha bildiririk ki, Rusiya təbliğatının əksinə olaraq, nə Estoniya, nə Latviya, nə Litva, nə də Finlandiya heç vaxt öz hava məkanından Rusiyaya hücum etmək üçün istifadə etməyə icazə verməyiblər. Üstəlik, Ukrayna heç vaxt belə tələblərlə çıxış etməyib", - Ukrayna Xarici İşlər Nazirliyinin sözçüsü Giorgi Tixi açıqlamasında bildirib.
"Ukrayna BMT Nizamnaməsinin 51-ci maddəsinə uyğun olaraq özünümüdafiə hüququndan istifadə edir. Bizim qanuni hərbi hədəflərimiz Rusiya ərazisində yerləşir və biz onları məhv etmək üçün Rusiyanın hava məkanından istifadə edirik", - deyə Ukrayna Xarici İşlər Nazirliyi əlavə edib.
Kiyev həmçinin 19 may hadisəsinə görə Estoniya, Latviya, Litva və Finlandiyadan üzr istəyib və “dəstək və həmrəylik” üçün tərəfdaşlarına təşəkkür edib.
NATO-nun baş katibi Mark Rutte Rusiyanı Şimali Atlantika Alyansının Estoniya ərazisində Ukrayna pilotsuz təyyarəsini vurmağa məcbur etməkdə ittiham edib.
