Aprelin 27-də Parisdə Ermənistanın xarici işlər naziri Ararat Mirzoyanın rəhbərliyi ilə Avropa regionundakı ölkələr və təşkilatlarda akkreditə olunmuş Ermənistan diplomatik nümayəndəliklərinin rəhbərlərinin toplantısı keçirilib. Bu barədə ER Xarici İşlər Nazirliyi məlumat verib.
Nazir Mirzoyan açılış nitqində qeyd edib: “Hamımızın sonuncu dəfə daha böyük bir qrupla görüşdüyümüz vaxt avqustun sonunda oldu. Bundan sonra, xüsusən də Avropa qitəsində və Ermənistan Respublikasının Avropa İttifaqı və ayrı-ayrı ölkələrlə münasibətlərində bir çox hadisələr baş verdi. Bir çox ölkə ilə strateji tərəfdaşlıqlar müzakirə olunur. Bir həftə sonra Fransa ilə uzun müddətdir danışıqlar aparılan sənədin imzalanmasını da görəcəyik.
Bundan əvvəl, əlbəttə ki, son aylarda bu, artıq ayrı-ayrı ölkələrlə, məsələn, Almaniya ilə baş verib. Əlbəttə ki, adlar sənəddən sənədə bir qədər fərqlənir: bir halda bu, strateji tərəfdaşlığın təsdiqidir, digər halda isə tərəfdaşlıq üçün strateji gündəmdir. Məsələn, biz Avropa İttifaqı ilə “Strateji Tərəfdaşlıq Gündəliyi” imzaladıq və s.”
Nazir Mirzoyan 4-6 may tarixlərində Yerevanda keçiriləcək yüksək səviyyəli tədbirlərə: Avropa Siyasi Birliyi və ER-AB sammitlərinə və “Yerevan Dialoqu” tədbirinə toxunub.
Avropa ölkələri ilə əlaqələrin koordinasiyası üzrə nazir müavini Vahan Kostanyan ASB və ER-AB sammitlərinin əsas gündəliyinə, imzalanacaq sənədlərə toxunub.
Xarici İşlər Nazirliyinin baş katibi Davit Karapetyan “Yerevan dialoqu”na hazırlıq işlərindən və müzakirələrin əsas istiqamətlərindən danışıb.
Səfir görüşündə ER-AB tərəfdaşlığının dərinləşdirilməsi üzrə işlər, Avropa ölkələri ilə ikitərəfli əməkdaşlıq, mövcud proqramlar və perspektivlər müzakirə edilib.
Nazir Mirzoyan Ermənistanın iştirakı ilə regional əlaqə proqramlarının həyata keçirilməsi prosesini və iqtisadi və nəqliyyat infrastruktur şəbəkəsinin inkişafı üçün beynəlxalq tərəfdaşlarla aparılan işləri təqdim edib.
Qonşularla münasibətlərin normallaşdırılması və inkişaf etdirilməsi proseslərinə, o cümlədən Ermənistan və Azərbaycan arasında bərqərar olmuş sülhün institusionallaşdırılması istiqamətində atılan addımlara toxunulub.
Regional və beynəlxalq inkişaflar və mövcud çətinliklər barədə fikir mübadiləsi aparılıb.
Müzakirə zamanı diplomatik xidmətin təkmilləşdirilməsinə yönəlmiş təşəbbüslərə və bu məqsədlə ER-nin “Diplomatik xidmət haqqında” Qanununa təklif olunan dəyişikliklərə də toxunulıb.
