3 apreldə ER Parlamentinin Xarici Əlaqələr Daimi Komitəsinin sədri Sarqis Xandanyan İraq Respublikasının ER-dəki səfirliyinin müvəqqəti işlər vəkili Məhəmməd əl-Şeyxli ilə görüşüb. Bu barədə ER Parlamenti məlumat verib.
Qonağı salamlayan Sarqis Xandanyan iki ölkə xalqları arasındakı dostluq münasibətlərinin həmişə Ermənistan və İraq arasında əməkdaşlığın davamlı inkişafı üçün möhkəm təməl olduğunu qeyd edib. O, Ermənistan və İraq arasında dövlətlərarası və parlament münasibətlərinin inkişaf etdirilməsinin və genişləndirilməsinin vacibliyini vurğulayıb.
Səmimi qarşılanmaya görə minnətdarlığını bildirən Məhəmməd əl-Şeyxli Ermənistan və İraq arasında ikitərəfli münasibətlərin dinamik şəkildə inkişaf etdiyini və bunun bir sıra müqavilələrin və anlaşma memorandumlarının imzalanmasında da özünü göstərdiyini qeyd edib.
Hər iki tərəf mövcud geosiyasi və regional vəziyyətdə iki ölkənin regionda sülhün bərqərar olmasına böyük əhəmiyyət verdiyini və bunun dövlətlərin çiçəklənməsi və qarşılıqlı faydalı əməkdaşlıq üçün vacib şərt olduğunu vurğulayıb. Parlamentlərarası əlaqələrin inkişafı kontekstində parlament dostluq qruplarının və qarşılıqlı səfərlərin əsas əhəmiyyəti, eləcə də Ermənistan-İraq parlament dostluq qruplarının qarşılıqlı fəaliyyətinə yönəlmiş proqramların aktivləşdirilməsi vurğulanıb.
