ABŞ dövlət katibi Marko Rubio bildirib ki, Vaşinqton İrandakı münaqişə bitdikdən sonra NATO ilə münasibətlərini yenidən nəzərdən keçirməli olacaq.
"Təəssüf ki, düşünürəm ki, bir müddət ölkəmizə yaxşı xidmət edən bu ittifaqın hələ də bu məqsədə xidmət edib-etmədiyini nəzərdən keçirməli olacağıq. Yaxud indi bu, Amerikanın Avropanı müdafiə etdiyi, lakin müttəfiqlərimizin köməyinə ehtiyac duyduğumuz zaman bizə baza verməkdən və ya hava məkanından uçmaqdan imtina etdiyi birtərəfli küçəyə çevrilib", - Rubio Fox News-a verdiyi müsahibədə bildirib.
Daha əvvəl İspaniyanın Amerika qırıcılarına hava məkanını, İtaliyanın isə Siciliyadakı hərbi bazasını verməkdən imtina etdiyi məlum olmuşdu.
ABŞ dövlət katibi qeyd edib ki, NATO ilə münasibətlərin yenidən nəzərdən keçirilməsi ilə bağlı son qərarı ABŞ prezidenti Donald Tramp verəcək.
