Fevralın 24-də Cenevrədə keçirilən BMT İnsan Hüquqları Şurasının 61-ci sessiyası çərçivəsində ER xarici işlər nazirinin müavini Robert Abisoğomonyan Albaniyanın Avropa və xarici işlər nazirinin müavini Meqi Fino ilə görüşüb. ER XİN-dən verilən məlumata görə, görüş zamanı Ermənistan və Albaniya arasında beynəlxalq strukturlarda əməkdaşlığın əhatə dairəsinin genişləndirilməsi perspektivləri müzakirə edilib. Həmsöhbətlər qarşılıqlı maraq doğuran məsələləri, o cümlədən İnsan Hüquqları Şurası çərçivəsində birgə işlərin həyata keçirilməsi imkanlarını müzakirə ediblər.
Xarici işlər nazirinin müavini Robert Abisoğomonyan həmkarına bu il Yerevanda keçiriləcək BMT-nin Bioloji Müxtəliflik üzrə Konvensiyasının Tərəflərinin 17-ci Konfransına hazırlıq çərçivəsində görülən işləri təqdim edib.
Görüşdə həmçinin siyasi dialoqun təşviqi və məsləhətləşmələrin aktivləşdirilməsi də daxil olmaqla, iki ölkə arasında ikitərəfli gündəliyin irəliləməsinə yönəlmiş addımlar müzakirə olunub.
