ABŞ prezidenti Donald Tramp İsrailin baş naziri Binyamin Netanyahu ilə görüşdən sonra bildirib ki, İran məsələsində irəliləyiş barədə dəqiq razılıq əldə edilməyib, lakin Tehranla danışıqlar davam edəcək. Tramp həmçinin İsrailin təhlükəsizlik maraqlarının nəzərə alınmalı olduğunu vurğulayıb.
O, İrana hücumları xatırladıb və ümid etdiyini bildirib ki, bu dəfə Tehran razılaşma bağlamaqda daha ağlabatan və məsuliyyətli davranacaq.
Tramp və Netanyahu həmçinin Qəzza zolağındakı və ümumilikdə regiondakı vəziyyəti müzakirə ediblər.
İsrail baş naziri həmçinin ABŞ dövlət katibi Marko Rubio ilə görüşüb və Trampın təşəbbüsü ilə yaradılan Sülh Şurasına qoşulub. Şuranın ilk iclası 19 fevralda Vaşinqtonda keçiriləcək.
