İran Xarici İşlər Nazirliyinin rəsmi nümayəndəsi bildirib ki, İran Cənubi Qafqazda sülh və sabitliyi öz təhlükəsizliyinin qarantiyası kimi görür. İsmail Bəqayi regionun Tehran üçün strateji əhəmiyyətini vurğulayıb.
İran müdafiə nazirinin Azərbaycana səfərinə toxunan rəsmi şəxs bunun iki ölkə arasında, xüsusən də təhlükəsizlik və siyasi sahələrdə etimadı gücləndirəcəyinə əminliyini bildirib.
İran Xarici İşlər Nazirliyinin sözçüsü bildirib: "Bu səfər İranın bütün səviyyələrdə, xüsusən də Cənubi Qafqazda qonşu ölkələrlə etimadı gücləndirmək əzmini göstərir".
Onun sözlərinə görə, bu məsləhətləşmələr region ölkələri arasında qarşılıqlı anlaşmanı gücləndirmək üçün vacibdir.
