Dekabrın 19-da Ermənistanın Qazaxıstandakı səfiri Armen Qevondyan Qazaxıstanın müdafiə naziri, aviasiya general-leytenantı Dauren Kosanov ilə görüşüb. Bu barədə Ermənistanın Qazaxıstandakı səfirliyi məlumat yayıb.
Görüş zamanı Ermənistanın Qazaxıstandakı səfirliyinə yeni təyin olunmuş hərbi attaşe polkovnik Arayik Noroyan Qazaxıstan Müdafiə Nazirliyinin rəhbərliyinə təqdim olunub.
Söhbət zamanı ikitərəfli əməkdaşlığı proqram əsasında həyata keçirən Ermənistan və Qazaxıstan müdafiə nazirlikləri arasında əməkdaşlığın inkişaf etdirilməsi perspektivləri barədə fikir mübadiləsi aparılıb.
Əməkdaşlığın hüquqi bazasının genişləndirilməsi məsələlərinə, eləcə də qarşılıqlı maraq doğuran digər mövzulara toxunulub.
