Biz dialoq prosesinin ilkin mərhələsindəyik, bu da 35 illik münaqişəni, onun bütün emosional təbəqələrini nəzərə alsaq, olduqca çətindir və təbii ki, prosesin çətin olduğunu yaxşı bilirik.
Bunu Ermənistan nümayəndə heyətinin nümayəndəsi Narek Minasyan bildirib.
“Azərbaycan tərəfi sülh dividendləri ideyasını, iki ölkənin xalqlarının, cəmiyyətlərinin sülhün və ya bərqərar olmuş sülhün (elan edildiyi kimi) faydalarını və nəticələrini öz dərilərində hiss etmələri üçün praktik addımlar atılmalı olduğunu vurğuladı. Bu istiqamətdə müxtəlif praktik proqramlar üzrə danışıqlar da aparılır.
Eyni zamanda, Ermənistan tərəfi, müxtəlif təxribatçı amillərin neytrallaşdırılması məsələsini qaldırdı. Bunlardan biri, məsələn, müxtəlif səviyyəli Azərbaycan rəsmiləri tərəfindən Ermənistan-Azərbaycan nizamlama prosesi haqqında danışarkən bəzən təxribatçı, bəzən problemli ritorik söz birləşmələrindən istifadə edilməsidir.
Eyni zamanda, Azərbaycan mediasında toponimlər məsələsi ilə müntəzəm olaraq qarşılaşırıq. Sonuncu belə nümunə, Yerevanın "İrəvan" kimi yazıldığı rusdilli "Azərtac" nəşri idi. Bu məsələ konkret bir nümunə ilə təqdim edildi. Azərbaycan tərəfi ən azı bu məsələyə, ritorika və toponimlər məsələsinə daha çox diqqət yetirilməli və bu cür halların təkrarlanmasını mümkün qədər azaltmağa çalışmalı olduğu fikri ilə razıdır”.
