Anklavlarla bağlı məsələ var, lakin bu, delimitasiya prosesi çərçivəsində həll olunmalıdır. İndiki mərhələdə mübadilədən söhbət gedə bilməz, çünki ilk növbədə anklavlar delimitasiya edilməlidir və onların nə vaxt delimitasiya olunması da məlum deyil, çünki sərhədlərin delimitasiyası prosesi davam etməlidir. Bunu Partlamentdə brifinq zamanı “Mülki müqavilə” fraksiyasının deputatı Sarqis Xandanyan deyib.
“Delimitasiya prosesi davam etməlidir və delimitasiya prosesinin hansısa mərhələsində anklavlar məsələsi həll olunmalıdır. Ermənistanla Azərbaycan arasında delimitasiya prosesinin bütün protokolları təsdiqləndikdən sonra dövlət sərhədi haqqında saziş imzalanmalı və bu saziş ratifikasiya edilməlidir.
Demarkasiya işləri aparılmalıdır, ondan sonra Ermənistan və Azərbaycan anklavlarla bağlı məsələni necə həll edəcəyinə qərar verəcəklər.
“Əgər birdən-birə hansısa ssenaridə Ermənistan və Azərbaycanın ərazi mübadiləsi aparması qərara alınarsa, Ermənistan Respublikasının qanunvericiliyinə görə, bu məsələ referendumsuz baş tuta bilməz, bunun üçün referendum keçirilməlidir”.
Xandanyan onu da xatırladıb ki, delimitasiya komissiyalarının sonuncu iclası sentyabrda baş tutub və bu iclasda TRİPP çərçivəsində əldə olunan razılaşmalar müzakirə olunub.
