Cenevrədə keçirilən Parlamentlərarası İttifaqın 151-ci Assambleyası çərçivəsində Ermənistan Respublikası Parlamentinin sədri Alen Simonyan və Azərbaycan Milli Məclisinin sədri Sahibə Qafarova arasında görüş baş tutub.
Müzakirələr zamanı sədrlər Vaşinqtonda əldə olunan razılaşmaları və münasibətlərin normallaşdırılması istiqamətində atılan addımları alqışlayıblar.
Həmsöhbətlər konstruktiv dialoqun davam etdirilməsinin vacibliyini vurğulayıblar və parlament səviyyəsində etimadın möhkəmləndirilməsinə yönəlmiş addımların həyata keçirilməsinə dəstək verməyə hazır olduqlarını bildiriblər.
