Sülhün məntiqi ondan ibarətdir ki, bəli, Ermənistan Respublikasının 200 kvadrat kilometrə yaxın suveren ərazisinin Azərbaycanın işğalı altında olduğunu, Azərbaycanın nəzarəti altında olduğunu qeyd etdikdən sonra biz son nəticədə bu faktla üzləşməliyik ki, bizim nəzarətimizdə olan Azərbaycanın da suveren əraziləri var. Bunu hökumətin brifinqində Ermənistan Respublikasının baş naziri Nikol Paşinyan deyib.
“Biz bunu niyə etməliyik, bunu etməyimizin səbəbi nədir, çünki biz 1991-ci il Alma-Ata Bəyannaməsi əsasında bir-birimizin ərazi bütövlüyünü, suverenliyini və sərhədlərinin toxunulmazlığını tanıdığımız barədə Azərbaycanla dəfələrlə razılaşmışıq. Azərbaycan Respublikası Azərbaycan SSR ərazisi ilə eynidir.
Bizdə o əraziləri, sərhədləri müəyyən edən bütün xəritələr var: həm Azərbaycanda var, həm də bizdə.
Yeri gəlmişkən, Kirants-Voskepar hissəsində delimitasiya həmin xəritələrdən istifadə edilməklə aparılıb və bundan sonra da həmin xəritələrdən istifadə edilməklə sərhədlərin müəyyənləşdirilməsi aparılmalı və o kontekstdə bu məsələ həll olunmalıdır.
Birdən hansısa əraziləri proporsional şəkildə dəyişmək, yəni 1 kvadrat kilometri başqa 1 kvadrat kilometrlə dəyişmək niyyəti, istəyi varsa, biz bu məsələ ilə bağlı xalqa müraciət etməliyik ki, onlar bu cür həll yolları ilə nə dərəcədə razılaşırlar”.
