Ermənistan və İran arasında bir sıra infrastruktur layihələri artıq praktiki mərhələyə daxil olub. Qeyd etməliyəm ki, bu layihələr Ermənistan üçün strateji əhəmiyyət kəsb edir. Bunu Ermənistanın baş naziri Nikol Paşinyan İran prezidenti Məsud Pezeşkianla birgə mətbuat konfransı zamanı deyib.
Bu strateji əhəmiyyətə malik layihələrdən biri də baş nazirin sözlərinə görə, Ermənistan tərəfinin tikintisini İran şirkətinə həvalə etdiyi 32 km-lik Kacaran-Agarak yolu hissəsidir.
“Əminəm ki, 32 km-lik yol müəyyən olunmuş müddətdə istifadəyə veriləcək və həmkarımla mən dövlətimizin növbəti uğurunu qeyd etmək imkanı əldə edəcəyik.
Dövlətlərimiz arasında daşımaların həcminin artdığını nəzərə alaraq, biz Ermənistan-İran sərhədində ikinci körpünün tikintisi ilə bağlı razılığa gəldik.
Enerji sektorunda ən mühüm cari layihə Ermənistan-İran üçüncü elektrik ötürücü xəttidir.
"Biz bu məsələni hörmətli həmkarımla da müzakirə etdik və aydın başa düşürük ki, layihə ən qısa zamanda başa çatdırılmalıdır. Üçüncü xəttin işləməsi sayəsində Ermənistan İrana daha çox elektrik enerjisi ixrac edə biləcək".
