Baş nazirin müavini Mher Qriqoryan Avropa İttifaqının Ermənistandakı nümayəndəliyinin rəhbəri, səfir Vasilis Maraqosu qəbul edib.
Görüş zamanı Ermənistan-Avropa İttifaqı əməkdaşlığının gündəliyində olan məsələlər, həmçinin baş nazirin müavini Mher Qriqoryanın cari il iyulun 15-17-də Brüssel və Lüksemburqa səfəri zamanı əldə olunmuş razılaşmaların həyata keçirilməsi prosesi müzakirə edilib.
Söhbət zamanı regional hadisələrlə bağlı fikir mübadiləsi aparılıb və hər iki tərəf regionun davamlı inkişafı perspektivindən kommunikasiyaların açılmasının və iqtisadi əlaqələrin şaxələndirilməsinin vacibliyini vurğulayıblar.
Mher Qriqoryan və Vasilis Maraqos danışıqlar prosesinə və Aİ vizasının liberallaşdırılması üzrə aparılan işlərə də toxunublar.
