Ermənistan Respublikası Parlamentinin sədri Alen Simonyan Facebook hesabında onun bəyanatı ilə bağlı Rusiya dairələrinin şərhlərinə müraciət edib.
“Rusiyalı həmkarlarımın bu gün Ermənistanda Rusiya telekanallarının yayımının dayandırılması məsələsini ciddi müzakirə etməyin vaxtı gəldiyi barədə bəyanatıma reaksiyalarını oxuyanda mən istər-istəməz özümə sadə, lakin vacib bir sual verirəm: bu hörmətli insanlardan heç biri öz-özünə bunun səbəbini soruşmur? Yoxsa kiməsə elə gəlir ki, “Qərb qurumlarının təsiri”, “insan hüquqlarının pozulması” və “Rusiya ilə Ermənistan arasında olan əsrlik dostluğun hansısa qüvvələr tərəfindən məhv edilməsi” kimi əzbərlənmiş ifadələri təkrar-təkrar səsləndirməklə, yenə xaç çıxartmaq, Ukraynanı yada salmaq və bu köhnə, çoxdan köhnəlmiş rezin lentə oxşar ritorikanı Ermənistan kontekstinə tətbiq etmək mümkündür?
Əslində nəyisə, kimisə axtarmağa da ehtiyac yoxdur. GGünahkar uydurmağa lüzum yoxdur, sadəcə televizoru açmaq kifayətdir. Çünki “Rusiya-Ermənistan münasibətlərinin pozulması problemini” ən yaxşı şəkildə Qərbin xüsusi xidmət orqanları, mifik agentləri, QHT-lər deyil, Rusiyanın bəzi dövlət telekanalları, jurnalistləri, redaktorları həll edir.
Belə ki:
– Rusiyanın dövlət telekanalları Ermənistanın seçilmiş hakimiyyətini ən təhqiramiz sözlərlə, bəzən açıq böhtanlarla təhqir edirlər.
– hökumətimizin birbaşa və azad seçkilərlə seçildiyini unudaraq, sistemli şəkildə erməni cəmiyyətini öz hökumətinə qarşı çıxarırlar;
– Ermənistan Respublikasının suverenliyini, müstəqilliyini və hətta mövcudluğunu şübhə altına alırlar;
– tarixi, vaxtı və yeri göstərilməklə mitinqlərə çağırış edir, bununla da mövcud konstitusiya quruluşuna qarşı faktiki olaraq öz etirazını bildirirlər;
– öz ölkəsinin qanunlarını tətbiq edən Ermənistan hüquq-mühafizə orqanlarının əməkdaşlarının hərəkətlərini açıq şəkildə pisləyirlər;
– siyasi proseslərdən tutmuş milli simvollara qədər Ermənistanın daxili həyatının bütün sahələrinə müdaxilə edirlər.
Moskvadakı həmkarlarıma təklif edirəm ki, heç olmasa bir dəqiqəlik əks vəziyyəti təsəvvür etsinlər. Nə deyərdiniz, əgər Ermənistan dövlət telekanallarında
aparıcıları Rusiya prezidentini və rəhbərliyini təhqir etsəydilər,
– Rusiya Federasiyasının ərazi bütövlüyünü müzakirəyə çıxarsaydılar və “Rusiya mövcud olmamalıdır” deyə bəyan etsəydilər,
– xüsusi hərbi əməliyyatla bağlı reportajlar yayımlayaraq, Rusiya ordusunun fəaliyyətini tənqid etsəydilər,
– Rusiya vətəndaşlarına qarşı başlanmış cinayət işlərini təhlil etsəydilər? Bəli, bəli, hörmətli siyasətçilər, senatorlar, teleaparıcılar, deputatlar, şərhçilər və publisistlər.
Rusiya telekanallarının ekranlarından hər gün vətəndaşlarımızın başına tökülən də məhz budur. Rusiya-Ermənistan münasibətlərini həqiqətən məhv edən məhz budur – Qərb və əlbəttə ki, erməni xalqı və siyasətçiləri deyil.
Beləliklə, adi klişelərdən və “ovsunçu ovları”ndan yapışmaq əvəzinə, nəhayət özünüzə bir, amma səmimi sual verməyə çalışın: Niyə? Və yox: Kim? Buna son qoyulmalıdır. Ya siz bunu dayandıracaqsınız, ya da biz bunu edəcəyik”, – o yazıb.
Yada salaq ki, jurnalistlərlə keçirdiyi brifinqdə Alen Simonyan son həbslərin Ermənistan-Rusiya münasibətlərinə necə təsir etməsi ilə bağlı sualı cavablandırarkən qeyd edib: “O degenerasiyaya uğramış aparıcıların çıxışları həqiqətən Ermənistan-Rusiya münasibətlərinə xələl gətirir”.
