ABŞ prezidentinin xüsusi nümayəndəsi Stiven Vitkof bəyan edib ki, Vaşinqton Tehranla dinc nüvə proqramını müzakirə etməyə hazırdır, lakin İslam Respublikasında uranın zənginləşdirilməsinə qəti şəkildə qarşıdır.
"İranla danışıqlarda mülki nüvə proqramını necə yenidən quracağımız müzakirə olunacaq ki, o, daha yaxşı olsun və uranın zənginləşdirilməsini nəzərdə tutmasın", - amerikalı rəsmi bildirib.
Onun sözlərinə görə, ABŞ prezidenti Donald Tramp İranda məqsədinə nail olub, onu uranı zənginləşdirmək və nüvə silahı hazırlamaq potensialından məhrum edib. Vitkof qeyd edib ki, Tramp nə vaxt basacağını və nə vaxt geri çəkiləcəyini dəqiq bilir.
ABŞ prezidentinin nümayəndəsi vurğulayıb ki, münaqişənin başlanğıcından Vaşinqton Tehranla sülh yolu ilə nizamlanma üzrə danışıqlar aparır. O, həmçinin İran və İsrail arasında atəşkəsin Ukrayna və Rusiyadakı münaqişənin sülh yolu ilə həllinə töhfə verəcəyinə ümid etdiyini bildirib.
