İran İsrailin hücumundan sonra qisas bayrağını qaldırıb
İsrailin gecə saatlarında İrana hücumundan sonra Qum şəhərindəki Cəmkəran məscidi üzərində qırmızı bayraq qaldırılıb.
Şiə ənənəsində o, qisas və həll olunmamış qan tökülməsini, həmçinin ədalətə çağırış və zülmə qarşı mənəvi və fiziki mübarizəyə hazır olmağı simvollaşdırır. Bu addım həm daxildə, həm də xaricdə dini və siyasi siqnaldır.
Cəmkəran məscidi şiə ənənəsinin ən məşhur dini mərkəzlərindən biridir. Qırmızı bayrağın qaldırılması İslam tarixində baş verən faciəli hadisələrin xatırlanması, cari hadisələr kontekstində isə dini mövqeyin ifadəsi kimi qiymətləndirilir.
Bayraq həmçinin 2020-ci ildə İslam İnqilabı Keşikçiləri Korpusunun komandiri Qasım Süleymaninin ABŞ-ın hava hücumu nəticəsində həlak olması və 2024-cü ildə Kirman qəbiristanlığının bombalanmasından sonra qaldırılıb.
