Yaponiyaya işgüzar səfəri çərçivəsində Ermənistan Respublikası Parlamentinin sədr müavini Hakob Arşakyan Yaponiya Parlamentinin Müşavirlər Palatasının sədr müavini Hiroyuki Naqahama ilə görüşüb. Bu barədə ER Parlamenti məlumat yayıb.
Görüş zamanı tərəflər Ermənistan-Yaponiya ikitərəfli əməkdaşlığının gündəliyindəki məsələləri müzakirə ediblər.
Tərəflər “Expo 2025” ümumdünya sərgisinə də toxunub, Ermənistanın öz pavilyonu ilə ölkənin iqtisadi, mədəni, texnoloji, təhsil və turizm potensialını təqdim etdiyini bildiriblər. Bu kontekstdə 1500 şagirdin müasir bacarıqlarının inkişaf etdirilməsini təmin edəcək “Tumo Qunma” təhsil mərkəzinin fəaliyyəti də vurğulanıb.
ER Parlamentinin sədrinin müavini Ermənistanın regionda sülhün bərqərar olması gündəliyinə sadiqliyini bir daha təsdiqləyərək, kommunikasiyaların qarşısının alınmasının, iqtisadi əməkdaşlığın təşviq edilməsinin və “Sülhün kəsişməsi” təşəbbüsünün həyata keçirilməsinin vacibliyini vurğulayıb. O qeyd edib ki, Ermənistan Azərbaycanla sülh müqaviləsi imzalamağa hazırdır və qarşı tərəfdən də konstruktiv yanaşma gözləyir.
Yaponiya Parlamentinin Müşavirlər Palatasının sədr müavini Hiroyuki Nagahama Ermənistan-Azərbaycan sülh prosesini dəstəklədiyini bildirib, onun regionda uzunmüddətli və sabit sülhün təmin olunması üçün əhəmiyyətini vurğulayıb.
Hiroyuki Nagahama Yaponiyada Tumo Yaradıcı Texnologiyalar Mərkəzinin açılmasını yüksək qiymətləndirərək, bunu təhsil sahəsində əməkdaşlığın dərinləşdirilməsi və Ermənistan-Yaponiya əlaqələrinin inkişafı baxımından mühüm təşəbbüs hesab edib. O, Ermənistanın innovativ təhsil modelinin Yaponiyada tətbiqinə görə xüsusi təşəkkürünü bildirib.
